PRIYATAMA NANU PALAKARINCHU SONG lYRICS – JAGADEKA VEERUDU ATHILOKA SUNDARI

ప్రియతమా నను పలకరించు ప్రణయమా
అతిథిలా నను చేరుకున్న హృదయమా
బ్రతుకులోని బంధమా… పలుకలేని భావమా
మరువలేని స్నేహమా… మరలిరాని నేస్తమా
ప్రియతమా ప్రియతమా… ప్రియతమా, ఆఆ

ప్రియతమా నను పలకరించు ప్రణయమా
అతిథిలా నను చేరుకున్న హృదయమా
ఎదుట ఉన్న స్వర్గమా… చెదిరిపోని స్వప్నమా
కనులలోని కావ్యమా… కౌగిలింత ప్రాణమా
ప్రియతమా ప్రియతమా… ప్రియతమా, ఆఆ
ప్రియతమా నను పలకరించు ప్రణయమా

నింగి వీణకేమో నేల పాటలొచ్చె… తెలుగు జిలుగు అన్నీ తెలిసి
పారిజాతపువ్వు పచ్చి మల్లె మొగ్గ… వలపె తెలిపే నాలో విరిసి
మచ్చలెన్నో ఉన్న చందమామకన్నా… నరుడే, వరుడై నాలో మెరిసే
తారలమ్మకన్న చీరకట్టుకున్న… పడుచుతనము నాలో మురిసే
మబ్బులనీ వీడిపోయి… కలిసే నయనం, తెలిసే హృదయం
తారలన్ని దాటగానే… తగిలే గగనం, రగిలే విరహం
రాయలేని భాషలో… ఎన్ని ప్రేమలేఖలో
రాయిలాంటి గొంతులో… ఎన్ని మూగపాటలో
అడుగే పడక… గడువే గడిచి పిలిచే

ప్రియతమా నను పలకరించు ప్రణయమా
అతిథిలా నను చేరుకున్న హృదయమా

ప్రాణవాయువేదో వేణువూదిపోయే… శృతిలో జతిలో నిన్నే కలిపి
దేవగానమంత ఎంకి పాటలాయే… మనసు మమత అన్నీ కలిసి
వెన్నెలల్లె వచ్చి వేదమంత్రమాయే… బహుశా మనసా వాచా వలచి
మేనకల్లే వచ్చి జానకల్లే మారె… కులము గుణము అన్నీ కుదిరి
నీవులేని నింగిలోన… వెలిగే ఉదయం, విధికే విలయం
నీవులేని నేలమీద… బ్రతుకే ప్రళయం, మనసే మరణం
వానవిల్లు గుండెలో… నీటికెన్ని రంగులో
అమృతాల విందులో… ఎందుకిన్ని హద్దులో
జగమే అణువై… యుగమే క్షణమై మిగిలే

ప్రియతమా నను పలకరించు ప్రణయమా
అతిథిలా నను చేరుకున్న హృదయమా
బ్రతుకులోని బంధమా… పలుకలేని భావమా
కనులలోని కావ్యమా… కౌగిలింత ప్రాణమా
ప్రియతమా ప్రియతమా… ప్రియతమా, ఆఆ
ప్రియతమా నను పలకరించు ప్రణయమా
అతిథిలా నను చేరుకున్న హృదయమా

Priyatama Nanu Palakarinchu Song Details

Lyrics : Veturi Sundararama Murthy

Singers : S P Balasubramanyam,S Janaki

Music : Ilaiyaraaja

You may also like...

Leave a Reply

Your email address will not be published. Required fields are marked *